ამის შესახებ საქართველოს პრემიერ-მინისტრ ირაკლი ღარიბაშვილის თურქეთის შეიარაღებული ძალების გენერალური შტაბის უფროსთან, არმიის გენერალ ნეჯდეთ ოზელთან გამართულ შეხვედრაზე აღინიშნა
მხარეებმა ორ ქვეყნის ურთიერთობები და თანამშრომლობის გაღრმავების საკითხები განიხილეს.
როგორც საქართველოს მთავრობის მეთაურმა აღნიშნა, საქართველო–თურქეთს შორის არსებობს მრავლისმომცველი თანამშრომლობის გეგმა და ინტენსიური თანამშრომლობა სხვადასხვა მიმართულებებით.
„არაერთხელ გვითქვამს და რაც მთავარია, საქმით დაგვიმტკიცებია, რომ თურქეთი საქართველოს არა მხოლოდ მეზობელი, არამედ მეგობარი და სტრატეგიული პარტნიორია“, - განაცხადა ირაკლი ღარიბაშვილმა შეხვედრაზე.
პრემიერმა ნატოს-საქართველოს არსებითი პაკეტის იმპლემენტაციის კუთხით, თურქეთის მაქსიმალური ჩართულობის იმედი გამოთქვა და საქართველოს შეიარაღებული ძალების განვითარების საქმეში თურქეთის რესპუბლიკის წვლილზე გაამახვილა ყურადღება.
აღინიშნა სამხედრო განათლების სფეროში თანამშრომლობის გაღრმავების სურვილი. მხარეებმა რეგიონული უსაფრთხოების საკითხებზე იმსჯელეს.
საქართველოს პრემიერ–მინისტრმა თურქეთის შეიარაღებული ძალების სარდალს ალიანსში გაწევრიანების გზაზე საქართველოს მხარდაჭერისთვის მადლობა გადაუხადა.
