საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსა და „ქართული ლუდის კომპანია“-ს შორის ურთიერთთანამშრომლობის მემორანდუმი გაფორმდა.
მემორანდუმს ხელი მინისტრის მოადგილემ მამუკა ცოტნიაშვილმა და „ქართული ლუდის კომპანიის“ გენერალურმა დირექტორმა ვასილ სულხანიშვილმა მოაწერეს.
ურთიერთთანამშრომლობა გულისხმობს, დევნილი ოჯახებისათვის კომპანიის მიერ წარმოებული პროდუქციის საჩუქრად გადაცემას და დევნილთა ჩასახლებებში სხვადასხვა საქველმოქმედო აქციების განხორციელებას.
კომპანიამ უკვე დააფინანსა 9 დევნილი სტუდენტის სწავლის საფასური. სტუდენტები კომპანიამ საკუთარი კრიტერიუმების საფუძველზე შეარჩია.
სამინისტროსა და „ქართული ლუდის კომპანიის“ თანამშრომლობა, დევნილი სტუდენტების დაფინანსებისა და საქველმოქმედო პროექტების განხორციელების კუთხით, მომავალშიც აქტიურად გაგრძელდება.
