სასჯელაღსრულებისა და პრობაციის მინისტრის პირველმა მოადგილემ კახა კახიშვილმა ლატვიის იუსტიციის სამინისტროს დელეგაციას სასჯელაღსრულების # 16 დაწესებულება დაათვალიერებინა. მინისტრის მოადგილე სტუმრებს პენიტენციური რეფორმის ფარგლებში დაგეგმილ ცვლილებებზე ესაუბრა და დაგეგმილი რეფორმის კომპონენტები გააცნო.
„ჩვენი სტუმრები დღეს გაეცნენ საქართველოს პენიტენციურ სისტემას, მათ მოინახულეს #16 დაბალი რისკის დაწესებულება, რომელშიც სარემონტო სამუშაოები თითქმის დასრულებულია და ძალიან მალე ჩვენ გვექნება ევროპულ სტანდარტებთან მაქსიმალურად მიახლოებული სასჯელაღსრულების დაწესებულება.“ - განაცხადა კახა კახიშვილმა
ლატვიის დელეგაციის ხელმძღვანელმა, იუსტიციის სამინისტროს სახელმწიფო მდივანმა რაივის კრონსბერგსმა აღნიშნა, რომ თანამედროვე ციხის მსგავსი მოდელის დანერგვას თავის ქვეყანაშიც გეგმავს. „მოხარული ვარ, რომ სასჯელაღსრულების #16 დაწესებულების დათვალიერების შესაძლებლობა მოგვეცა. ამ ეტაპზე ლატვიას არ აქვს მსგავსი თანამედროვე ტიპის დაწესებულებები, თუმცა ვგეგმავთ ჩვენს ქვეყანაშიც დავნერგოთ თანამედროვე ციხის მოდელი, ამიტომ დღევანდელი გამოცდილება ძალიან გამოგვადგება.“-განაცხადა რაივის კრონსბერგსმა.
ლატვიის იუსტიციის სამინისტროს დელეგაცია საქართველოში 15 ოქტომბერს ჩამოვიდა. ვიზიტის მიზანია მარტლმსაჯულების, სახელმწიფო სერვისების განვითარებისა და დანაშაულის პრევენციის სფეროში დანერგილი სიახლეების გაცნობა
