ქუთაისში, ერთ-ერთ საცხოვრებელ ბინაში გაზი აფეთქდა. როგორც "ინტერპრესნიუსის" კორესპონდენტი იუწყება, აფეთქება გამსახურდიას ქუჩაზე დაახლოებით დილის 6 საათზე მოხდა, რასაც ნგრევა მოჰყვა.
დაშავებულია ერთი მოქალაქე, რომელიც სამხარეო კლინიკურ საავადმყოფოშია გადაყვანილი.
აფეთქების შედეგად ჩამოინგრა საცხოვრებელი სახლის ერთი კედელი, დაზარალდა კიდევ ხუთი მეზობელი ოჯახი.
მომხდარზე მიმდინარეობს მოკვლევა.
