ეკონომიკის მინისტრის გიორგი კვირიკაშვილის ინფორმაციით, მთავრობის დღევანდელ სხდომაზე ბიუჯეტის პროექტის პირველადი განხილვა გაიმართა და ძირითადი პარამეტრები განისაზღვრა.
როგორც კვირიკაშვილმა მთავრობის სხდომის დასრულების შემდეგ აღნიშნა, 2015 წელს 5%-იანი რეალური ეკონომიკური ზრდა და 4%-იანი ინფლაცია დაიგეგმა.
„გრანტებისა და საერთაშორისო კრედიტების ჩათვლით, სახელმწიფო ბიუჯეტი დაახლოებით 9 400 000 ლარით დაიგეგმა. თვითონ ბიუჯეტი კი 8 600 000 ლარის ფარგლებშია დაგეგმილი. რაც შეეხება ჩვენი სამინისტროს ასიგნებებს, ის დაახლოებით იმავე დონეზე რჩება, რაც წლევანდელი წლის ასიგნებები იყო“, - განაცხადა კვირიკაშვილმა.
