რუსმა სამხედროებმა და "ბოევიკებმა" წუხანდელი ღამის განმავლობაში კიდევ ერთხელ დაარღვიეს ცეცხლის შეწყვეტის რეჟიმი. ამის შესახებ ინფორმაციას უკრაინის სამხედრო-პოლიტიკური კვლევითი ცენტრის ხელმძღვანელი დიმიტრი ტიმჩუკი ავრცელებს.
მისივე თქმით, წუხანდელი ღამის განმავლობაში ტერორისტებმა 4-ჯერ განახორციელეს შეტევა დონეცკის აეროპორტის ტერიტორიაზე, უკრაინის სამთავრობო ძალების მიმართულებით.
დიმიტრი ტიმჩუკის ინფორმაციით, ტერორისტებმა უკრაინელი სამხედროების პოზიციებს ცეცხლი გაუხსნეს დასახლებულ პუნქტ ჩასტიესა და არტემას ტერიტორიაზე.
უკრაინის სამხედრო-პოლიტიკური კვლევითი ცენტრის განცხადებით, უკრაინის სამთავრობო ძალებს შორის წუხანდელი ღამის შედეგად არავინ დაზარალებულა.
