პრეზიდენტი გიორგი მარგველაშვილი გაეროში საქართველოდან ორი დელეგაციის გამგზავრებაში "უხერხულობას" ვერ ხედავს.
ამის შესახებ მარგველაშვილმა ჟურნალისტებს უელსში გამართულ პრესკონფერენციაზე, შესაბამის შეკითხვაზე პასუხად განუცხადა და აღნიშნა, რომ მისი ვიზიტი აშშ-ში შედგება.
"შემდეგი ვიზიტი იგეგმება შეერთებულ შტატებში. მე მაქვს ვიზიტი, ასევე, თურქეთშიც, მაგრამ ჯერ შეერთებულ შტატებში. მე ვერ ვხედავ ამაში უხერხულობას", - განაცხადა პრეზიდენტმა.
საგარეო საქმეთა მინისტრი პრეზიდენტს ურჩევს, რომ გაეროში დაგეგმილ ვიზიტზე უარი თქვას, ვინაიდან მაია ფანჯიკიძის შეფასებით, საქართველოდან ორი დელეგაციის გამგზავრება უხერხულობას გამოიწვევს. აშშ-ში ვიზიტს გეგმავს საქართველოს პრემიერ-მინისტრი.
