საქართველოს ეროვნული საკალათბურთო ნაკრები პრაქტიკულად ევროპის ჩემპიონატზეა.
დღეს, პორტუგალიის დამარცხების შემდეგ მხოლოდ ძალიან მინიმალური შანსი არსებობს, რომ საქართველო "ევრობასკეტ 2015"-ზე ვერ მოხვდეს. ეს დამოკიდებულია ამავე ჯგუფის გუნდების, უნგრეთ-ჩეხეთის შეხვედრის შედეგზე და ასევე სხვა ჯგუფებში მიმდინარე მატჩებზე, რომლებიც ჯერ არ დამთავრებულა.
რაც შეეხება უშულოდ დღევანდელ მატჩს, ის საქართველომ 12-ქულიანი სხვაობით, 71:59 მოიგო. ქართველთაგან საუკეთესო 20 ქულით ვიქტორ სანიკიძე იყო. 15 ქულა მოაგროვა ზაზა ფაჩულიამ, 14 - დუდა სანაძემ. ასევე, კარგად ითამაშეს სხვა კალათბურთელებმაც.
საქართველომ 6 შეხვედრაში 4 მოიგო და 2 ში დამარცხდა.
