ირაკლი ღარიბაშვილი სერჟ სარგსიანს შეხვდა

ირაკლი ღარიბაშვილი სერჟ სარგსიანს შეხვდა

საქართველოს პრემიერ-მინისტრი ირაკლი ღარიბაშვილი ერევანში ოფიციალური ვიზიტის ფარგლებში სომხეთის პრეზიდენტს სერჟ სარგსიანს შეხვდა. 

პირისპირ შეხვედრა სომხეთის პრეზიდენტის სასახლეში გაიმართა. საუბრის მთავარი თემა ორ ქვეყანას შორის თანამშრომლობის საკითხები იყო. 

მხარეებმა იმედი გამოთქვეს, რომ კეთილმეზობლური პოლიტიკა მომავალში კიდევ უფრო გაღრმავდება.

შეხვედრის შემდეგ, სომხეთის პრეზიდენტმა საქართველოს დელეგაციას ოფიციალურ სადილზე უმასპინძლა. სერჟ სარგსიანმა ირაკლი ღარიბაშვილს სტუმრობისთვის მადლობა გადაუხადა.