პრეზიდენტმა მიხეილ სააკაშვილმა საქართველოს მოქალაქეობა თურქეთში მცხოვრებ იმ თანამემამულეებს მიანიჭა, ვინც ქართული იცის და ქართველობა დღემდე შეინარჩუნა, - ამის შესახებ დღეს საღამოს გამართულ პრესკონფერენციაზე პრეზიდენტის პრესსპიკერმა მანანა მანჯგალაძემ განაცხადა.
მისი განმარტებით, პრეზიდენტი საქართველოს მოქალაქეობას წელიწადში ათიათასობით მოქალაქეს ანიჭებდა. დღეის მონაცემებით, პრეზიდენტის ადმინისტრაციაში 1000-მდე განაცხადია შესული.
"თუმცა ძალიან სამწუხაროა, რომ ბოლო თვეებში იუსტიციის სამინისტრომ ათიათასობით საქართველოს მოქალაქეს მოქალაქეობა შეუწყვიტა. ვწუხვართ და ვფიქრობთ, რომ საქართველოს არ ჰყავს დასაკარგი მოქალაქეები", - განაცხადა მანანა მანჯგალაძემ და დასძინა, რომ საქართველოს პრეზიდენტმა მოქალაქეობა დაახლოებით 1000-მდე ადამიანს მიანიჭა.
