ბრიტანელი მზარეული მაკდონალდსის წინააღმდეგ. ცნობილმა ბრიტანელმა შეფ-მზარეულმა და ტელეწამყვანმა ჯემი ოლივერმა მსოფლიოში სწრაფი კვების უდიდესი ქსელი დაამარცხა - მან მაყურებელს აჩვენა როგორ და რისგან მზადდება სინამდვილეში ჰამბურგერები, რომელსაც მადიანად მიირთმევენ მაკდონალდსის მომხმარებლები. მაკდონალდსის იაფი დელიკატესის რეცეპტი შემდეგია - კანი, ძვლები და ამონიუმის ჰიდროქსიდში გარეცხილი ქონი. მხოლოდ ამის შემდეგ იღებს ადამიანის საკვებად გამოუსადეგარი ეს კომპონენტები ხორცის ფერს. სინამდვილეში ჰამბურგერში ხორცის ნასახი არ არის - ეს მხოლოდ ძაღლის საჭმელია, რომელსაც ფერის მისაცემად ამონიუმის ჰიდროქსიდს ანუ უფრო მარტივად რომ ვთქვათ ამიაკს უმატებენ.
ოლივერის ექსპერიმენტი მაკდონალდსთან ბრძოლაში წარმატებული აღმოჩნდა - კომპანიამ, რომელიც მანამდე ირწმუნებოდა, რომ ჰამბურგერი მხოლოდ რეკორდული გაყიდვების გამო იყო ასე იაფი, რეცეპტის შეცვლა გადაწყვიტა, თუმცა მაინც არ აღიარებს, რომ ეს ნაბიჯი ოლივერის კამპანიის გამო გადადგა.
