საპარლამენტო უმრავლესობის წევრის გუბაზ სანიკიძის აზრით, კოალიცია "ქართული ოცნების" საპრეზიდენტო კანდიდატის გიორგი მარგველაშვილის სერიოზული კონკურენტი "დემოკრატიული მოძრაობის" ლიდერი ნინო ბურჯანაძე იქნება.
ამის შესახებ სანიკიძემ ჟურნალისტებს მარგველაშვილის კონკურენტებზე საუბრისას განუცხადა.
"ნინო ბურჯანაძე რა თქმა უნდა, სერიოზული კონკურენტია. "ნაციონალური მოძრაობიდან" საპრეზიდენტო კანდიდატი ალბათ, დავით ბაქარაძე იქნება, თუმცა ეს პარტია სერიოზულს ვერაფერს მიაღწევს’’, - განაცხადა სანიკიძემ.
ამასთან, სანიკიძე "ეროვნული ფორუმის" ლიდერის კახა შარტავას საპრეზიდენტო კანდიდატად დასახელებას გამორიცხავს.
