რიჩარდ ნორლანდი - ჩანაწერების გარკვეული რაოდენობა შესაძლოა, გამოყენებული იყოს, როგორც მტკიცებულება და ჩვენ ამ პოზიციას ვემხრობით

რიჩარდ ნორლანდი - ჩანაწერების გარკვეული რაოდენობა შესაძლოა, გამოყენებული იყოს, როგორც მტკიცებულება და ჩვენ ამ პოზიციას ვემხრობით

ფარული ვიდეოჩანაწერების გარკვეული რაოდენობა შესაძლოა, იყოს გამოყენებული, როგორც მიმდინარე სისხლის სამართლის საქმეზე მტკიცებულება და ჩვენ ამ პოზიციას ვემხრობით, - ამის შესახებ ამერიკის ელჩმა რიჩარდ ნორლანდმა ჟურნალისტებთან საუბრისას განაცხადა.

მისი თქმით, ფარული ჩანაწერების მიმართ საზოგადოების ინტერესი ძალიან დიდია.

"ამ თემას დიდი დრო ეთმობა ქართულ საზოგადოებაში; ვიცი, რომ ჩართულები არიან არასამთავრობო და სამოქალაქო საზოგადოების წარმომადგენლები. რამდენადაც ვიცი, მთავრობას ამ მხრივ აქვს პრინციპული და მტკიცე პოზიცია, რომ ეს მასალები უნდა განადგურდეს. შესაძლებელია, საუბარი იყოს იმაზეც, რომ გარკვეული რაოდენობა გამოყენებული იყოს, როგორც მიმდინარე სისხლის სამართლის საქმეზე მტკიცებულება და ამ პოზიციას ჩვენ ვემხრობით", _ აღნიშნა რიჩარდ ნორლანდმა.