გაერო-ს გენერალურ ასამბლეაზე საქართველოს რეზოლუციას დევნილების შესახებ 63-მა სახელმწიფომ დაუჭირა მხარი.
ინფორმაციას ამის შესახებ გაერო-სთან საქართველოს ყოფილი მუდმივი წარმომადგენელი კახა ლომაია ავრცელებს.
"რამდენიმე წუთის წინ გაერო-ს გენერალურმა ასამბლეამ მიიღო რეზოლუცია საქართველოს აფხაზეთისა და ცხინვალის რეგიონებში დევნილთა დაბრუნების მხარდასაჭერად. 63 - მომხრე, 16 - წინააღმდეგ. ვულოცავ საქართველოს მუდმივ წარმომადგენლობას, ეს დიპლომატიური გამარჯვება უპირველეს ყოვლისა, მათი თავდაუზოგავი შრომის შედეგია", - აცხადებს ლომაია.
შეგახსენებთ, რომ რეზოლუციას "აფხაზეთიდან/საქართველო და ცხინვალის რეგიონიდან/სამხრეთ ოსეთი/საქართველო დევნილებისა და იძულებით გადაადგილებულ პირთა სტატუსის შესახებ" გასულ წელს 60 მომხრე და 15 მოწინააღმდეგე ჰყავდა.
