ევროპის საბჭოს საპარლამენტო ასამბლეის მონიტორინგის კომიტეტის მომსხენებლები საქართველოს საკითხზე მაიკლ იენსენი და ბორის სილევიჩი ხელისუფლებას ყოფილი მაღალჩინოსნების – ვანო მერაბიშვილისა და ზურაბ ჭიაბერაშვილის სასამართლო პროცესის გამჭვირვალედ წარმართვისკენ მოუწოდებენ.
როგორც დამკვირვებლების განცხადებაშია ნათქვამი, საქართველომ უნდა შეასრულოს მის მიერ ნაკისრი ვალდებულებები ევროპის ადამიანის უფლებათა კონვენციის მე-5 და მე-6 მუხლების შესაბამისად.
"მნიშვნელოვანია, რომ ამ პროცესებში თავიდან იქნას აცილებული არაობიექტურობის ან პოლიტიკური მოტივაციის ნებისმიერი გამოვლინება“, - ნათქვამია განცხადებაში.
