საქართველოს პრეზიდენტი მიხეილ სააკაშვილი სტამბულში მკურნალობს. "ინტერპრესნიუსის" ინფორმაციით, საქართველოს პრეზიდენტმა ანტალიაში ველოსიპედით სეირნობისას ხელი მოიტეხა.
მიხეილ სააკაშვილი ანტალიიდან სტამბულში გადაიყვანეს. იგი ამ დროისთვისაც საავადმყოფოში რჩება, რის გამოც თურქეთში საქართველოს პრეზიდენტის მონაწილეობით დაგეგმილი ყველა ღონისძიება გადაიდო.
"ინტერპრესნიუსი", აღნიშნული ინფორმაციის დასაზუსტებლად, საქართველოს პრეზიდენტის ადმინისტრაციას ამ დრომდე ვერ უკავშირდება.
მიხეილ სააკაშვილი თურქეთში სამუშაო ვიზიტით 6 აპრილს გაემგზავრა.
