თბილისში ქართველი მსახიობის დოდო აბაშიძის ძეგლი შეღებეს. მელიქიშვილის გამზირზე მდებარე ძეგლს ლურჯი საღებავი აქვს შესხმული. ძეგლს სავარაუდოდ, საღებავი წუხელ ღამით შეასხეს.
როგორც "ინტერპრესნიუსს" მთაწმინდის გამგებლის მოადგილე ივა ჭყონიამ განუცხადა, შემთხვევა სავარაუდოდ, წუხელ ღამე მოხდა. შემთხვევის ადგილი უკვე დაათვალიერეს ექსპერტ-კრიმინალისტებმა და შეისწავლეს სამართალდამცველებმა. მისი თქმით, დამნაშავეები სათანადოდ დაისჯებიან. თუმცა, უცნობია ვინ შეღება დოდო აბაშიძის ძეგლი.
გამოძიება უკვე დაწყებულია სახელმწიფო ქონების განზრახ დაზიანების მუხლით.
გარდა ამისა თბილისში ასევე შეღებილია შევჩენკოს ძეგლი, რომელიც ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის მოპირდაპირე მხარეს მდებარეობს. ძეგლი, სავარაუდოდ, წუხელ შეღებეს ლურჯი საღებავით. როგორც "ინტერპრესნიუსს" თვითმხილველებმა განუცხადეს, შემთხვევის ადგილი უკვე დაათვიერეს სამართალდამცავებმა.
