თავდაცვის მინისტრი, ირაკლი ალასანია საქართველოს საფრთხეებს შორის სოჭის ოლიმპიადის წინააღმდეგ ტერორისტული აქტის პოტენციურ შესაძლებლობასაც ასახელებს. "საფრთხედ რჩება უკვე დაგეგმილი ოლიმპიადის წინააღმდეგ ტერორიზმის შესაძლო, პოტენციური საფრთხე. აქედან გამომდინარე, შსს-სთან ერთად გვაქვს ძლიერი კომპლექსური ურთიერთქმედება, რომ ყველა მოსალოდნელი საფრთხე საქართველოს ტერიტორიაზე და მათ შორის ოკუპირებულ ტერიტორიაზე მაქსიმალურად იყოს გათვლილი", - განაცხადა ირაკლი ალასანიამ პარლამენტის თავდაცვისა და უსაფრთხოების კომიტეტის სხდომაზე.
მისივე განმარტებით, მუშაობა მიმდინარეობს იმაზე, რომ საფრთხის პრევენციაში საქართველო რეგიონის ქვეყნებთან ერთად ჩაერთოს.
ირაკლი ალასანია დეპუტატებს გასული 4 თვის საქმიანობის ანგარიშს აბარებს.
