თბილისის საქალაქო სასამართლო "ქართუ ბანკის" გაკოტრების საქმეზე 19 ბიზნესმენისთვის აღმკვეთი ღონისძიების შეფარდების საკითხს განიხილავს.
ბრალდებულ ბიზნესმენებს არიან შორის ლაურა ღაჭავა, მისი ვაჟი დავით კოდუა და მცხეთა-მთიანეთის ყოფილი გუბერნატორი ცეზარ ჩოჩელი. მათ ბრალად წარდგენილი აქვთ დიდი ოდენობით ქონების მითვისება მოჩვენებითი გარიგებით, ასევე - ყალბი დოკუმენტების დამზადება-გამოყენება.
პროკურატურა ყველა ბრალდებული ბიზნესმენისთვის აღმკვეთ ღონისძიებად გირაოს შეფარდებას ითხოვს. კონკრეტულად ლაურა ღაჭავას შემთხვევაში პროკურატურა ითხოვს 1 600 000 ლარიანი გირაოს, იმავე თანხას ითხოვს მისი შვილის - დავით კოდუასათვის.
რაც შეეხება ბრალდებულ ცეზარ ჩოჩელს, მისთვის ბრალდების მხარე 650 000-ლარიანი გირაოს შეფარდების შუამდგომლობას აყენებს.
