აშშ-ის ელჩი საქართველოში ხვალ პარლამენტის საგარეო ურთიერთობათა კომიტეტის წევრებს შეხვდება. როგორც "ინტერპრესნიუსს" კომიტეტის წევრმა, ლევან ბერძენიშვილმა განუცხადა რიჩარდ ნორლანდს პარლამენტში 12:00 საათისთვის ელოდებიან.
მისივე ინფორმაციით, საგარეო ურთიერთობათა კომიტეტი ელჩებს პერიოდულად უსმენს.
"აშშ-ის ელჩი წარმოადგენს ანგარიშს საელჩოს მიერ გაწეული საქმიანობის შესახებ. ჩვენ პერიოდულად ვხვდებით ელჩებს და ეს ჩვეულებრივი პროცედურაა. ჩვენ უკვე ხუთ დიპლომატს მოვუსმინეთ, მათ შორის ისრაელისა და შვეიცარიის ელჩებს", - განაცხადა ლევან ბერძენიშვილმა.
საგარეო ურთიერთობათა კომიტეტთან შეხვედრის შემდეგ დაგეგმილია რიჩარდ ნორლანდის განცხადება პრესისთვის.
