გორის მოსწავლე-ახალგაზრდობის სასახლეში დღემდე უცნობი სარდაფები აღმოაჩინეს. როგორც "ინტრეპრესნიუსის" რეგიონული კორესპონდენტი გორიდან იუწყება, ამის შესახებ მოსწავლე-ახალგაზრდობის სასახლის დირექტორმა ლექსო ვალიაურმა განაცხადა.
"ჩემივე თანამშრომლებისგან ცნობილი გახდა, რომ აღნიშნული სარდაფების გასაღებები არაოფიციალურად პოლიციის თანამშრომლებს ჰქონდათ გადაცემული. უკვე ცნობილია ისიც, რომ პერიოდულად აღნიშნულ სარდაფებში გაურკვეველი პირები შედიოდნენ. ვეჭვობთ, რომ გასული წლის გაზაფხულიდან ოქტომბრამდე ამ სარდაფებს საეჭვო დანიშნულებით იყენებდნენ. გასაღებები დღემდე დაბრუნებული არ არის", - განაცხადა ვალიაურმა და აღნიშნა, რომ ამ ფაქტზე პროკურატურას უკვე მიმართა.
