კომპანია ”ჯორჯიან უოთერ ენდ ფაუერის” ინფორმაციით, ხვალ, გუნდაძის ხევში, ცენტროლიტის დასახლების მიმდებარედ გამავალი 1400 მმ-იანი მაგისტრალური ქსელის გადაწყობის სამუშაოებია დაგეგმილი. 
აღნიშნული სამუშაოების ჩატარების მიზნით, 10 იანვრის 11 საათიდან 11 იანვრის 11
საათამდე წყალმომარაგება შეუწყდება გლდანულას, „გაზის“, „ცენტროლიტისა“ და კონიაკის დასახლებებს, ასევე მუხიანის სამხედრო დასახლებასა და მიმდებარე აგარაკებს, ანდრონიკაშვილის, ბიჭვინთისა და რევოლუციის ქუჩებს, სოფლებს - გლდანსა და გიორგიწმინდას, სასჯელაღსრულების დეპარტამენტის გლდანის N8 საპატიმროს, გლდანის III, IIIა, V, VI, VII, VIII მიკრორაიონებს და თემქის III მიკრორაიონს.

მაგისტრალური ქსელის გადაწყობის სამუშაოებს კომპანიის ტექნიკური ბრიგადები ხვალ დილიდან შეუდგებიან.

არსებული მაგისტრალური ქსელის გადაწყობას, კომპანია შემოვლითი რკინიგზის მშენებლობასთან დაკავშირებით ახორციელებს.