სამართალდამცველებმა ქობულეთის რაიონის სოფელ ქაქუთში დიდი რაოდენობით საბრძოლო მასალა ამოიღეს.
შსს-ს ცნობით, მიღებული ოპერატიული ინფორმაციის საფუძველზე, სოფელ ქაქუთში მცხოვრები გურამ მ.-ს სახლიდან, ჩხრეკისას 2 მცირეკალიბრიანი შაშხანა, 2 კარაბინის სისტემის ცეცხლსასროლი იარაღი, 337 ვაზნა და 14,85 გრამი ნარკოტიკული საშუალება „მარიხუანა" ქობულეთის პოლიციის თანამშრომლებმა ამოიღეს.
გურამ მ. ამ დროისთვის დროებითი დაკავების იზოლატორში იმყოფება. მას ბრალი სსკ-ის 236-ე მუხლის (ცეცხლსასროლი იარაღის უკანონო შეძენა-შენახვა) I ნაწილით და 260-ე მუხლის (ნარკოტიკული საშუალების უკანონო შეძენა-შენახვა) I ნაწილით წაუყენეს.
გამოძიებას ქობულეთის რაიონის სოფელ მუხაესტატეს პოლიციის განყოფილება აწარმოებს.