აშშ-ის ვიცე-პრეზიდენტმა, ჯეი დი ვენსმა განაცხადა, რომ მზად არის ქვეყნის სამართავად, თუ „ღმერთმა დაგვიფაროს“ პრეზიდენტ ტრამპს რამე „საშინელება“ დაემართება.
„დიახ, ყველაფერი შეიძლება მოხდეს. საშინელი ტრაგედიები ხდება. და თუ, ღმერთმა დაგვიფაროს, საშინელი ტრაგედია მოხდება, ვერც კი წარმომიდგენია უკეთესი პრაქტიკული გამოცდილება, ვიდრე ის, რაც ბოლო 200 დღის განმავლობაში მივიღე“, - განუცხადა ვენსმა USA Today-ს, როდესაც ჰკითხეს, მზად არის თუ არა უფლებამოსილების გადასაბარებლად, თუ რამე მოუვიდოდა პრეზიდენტ ტრამპს, რომელიც მკვლელობის მცდელობას გადაურჩა.
„მე დარწმუნებული ვარ, რომ ამერიკის შეერთებული შტატების პრეზიდენტი კარგ ფორმაშია, გააგრძელებს თავისი ვადის ბოლომდე მსახურებას და ამერიკელი ხალხისთვის დიდ საქმეებს გააკეთებს“, - დასძინა აშშ-ის ვიცე-პრეზიდენტმა.
