მერვე მოწვევის პარლამენტის განახლებული შემადგენლობის მიუხედავად, საკანონმდებლო ორგანოს ვებ-გვერდის თავფურცელზე, სენსორული სისტემით, კვლავ 26 მაისის პლენარული სხდომის ფოტო მოძრაობს, სადაც ასახულნი არიან - ექს სპიკერი დავით ბაქრაძე, პრეზიდენტ მიხეილ სააკაშვილი და კანონმდებლები.
ახალ ვებ-გვერდზე, 26 მაისის ფოტოს გარდა მოძრაობს - ქართული არმიისა და პარლამენტის შენობის ფოტოები. თუმცა, ვინაიდან, მერვე მოწვევის პარლამენტის პლენარული სხდომა 21 ოქტომბერს ჩატარდა, თუ რატომ არ არის განახლებული უწყების ვებ-გვერდი from.ge-მ საკითხის დაზუსტება პარლამენტის აპარატის ხელმძღვანელ, ზურაბ მარაქველიძესთან სცადა.
მარაქველიძის განცხადებით, ახალ საკანონმდებლო ორგანოში უამრავი სახის პრობლემაა და უახლოეს მომავალში, ვებ-გვერდის განახლება მოხდება.
„შენობაში მილიონი პრობლემაა და ყველა მიმართულებით დავალებებია გაცემული. ყველაფერი დროის ამბავია და ეს საკითხიც მოგვარდება“, - დასძინა მარაქველიძემ.
შეგახსენებთ, რომ ქუთაისის ახალი პარლამენტის შენობაში პირველი სხდომა 26 მაისს, საქართველოს დამოუკიდებლობის დღეს ჩატარდა. რაც შეეხება პარლამენტის საიტს, უწყების დღეს მოქმედი ვებ-გვერდი მიმდინარე წლის მაისში შეიქმნა, რომლის პრეზენტაციაც დავით ბაქრაძემ გამართა.
