ავღანეთში დაღუპულ ქართველი სამხედროს ცხედარს საქართველოში სავარაუდოდ დღეს ჩამოასვენებენ. კაპრალი მინდია აბაშიძე ჰელმანდის პროვინციაში სამშვიდობო მისიის ფარგლებში საბრძოლო ამოცანის შესრულების დროს დაიღუპა.
მინდია თეიმურაზის ძე აბაშიძე შეიარაღებულ ძალებში 2008 წლის 4 აგვისტოდან მსახურობდა. იგი სახმელეთო ჯარების მესამე ქვეითი ბრიგადის 32–ე მსუბუქი ქვეითი ბატალიონის საცეცხლე ჯგუფის მეთაური იყო. ავღანეთის სამშვიდობო მისიაში მონაწილეობას იღებდა 2010 - 2011 წლებშიც.
მინდია აბაშიძის ოჯახს უკვე მიუსამძიმრეს მიხეილ სააკაშვილმა, თავდაცვის სამინისტრომ და თავდაცვის მინისტრობის კანდიდატმა ირაკლი ალასანიამ.
