თბილისის მერია: მერის  პირადი დაცვა სახელმწიფო უწყებების მიერ ხორციელდება და მისი გაძლიერების საჭიროება  არ არსებობს

თბილისის მერია: მერის პირადი დაცვა სახელმწიფო უწყებების მიერ ხორციელდება და მისი გაძლიერების საჭიროება არ არსებობს

თბილისის მერიის ინფორმაციით, თბილისის მერის პირადი დაცვა  მოქმედი კანონის შესაბამისად, სათანადო სახელმწიფო უწყებების მიერ ხორციელდება და მისი გაძლიერების საჭიროება  არ არსებობს.

ამის შესახებ თბილიის მერიის მიერ გავრცელებულ განცხადებაშია ნათქვამი. განცხადების თანახმად, უსაფრთხოების საქალაქო სამსახურის ამოცანა თბილისის მერიის ობიექტების, ქალაქში არსებული ბაღების, პარკების, სკვერების, ასევე მერიისა და თბილისის საკრებულოს ადმინისტრაციული შენობების უსაფრთხოების უზრუნველყოფა და ამ ობიექტებში არსებული ქონების დაცვაა.

„თბილისის მერიაში უსაფრთხოების საქალაქო სამსახური შეიქმნა. სამსახურის დებულების თანახმად, მისი ამოცანაა: თბილისის მერიის ობიექტების, ქალაქში არსებული ბაღების, პარკების, სკვერების, ასევე მერიისა და თბილისის საკრებულოს ადმინისტრაციული შენობების უსაფრთხოების უზრუნველყოფა და ამ ობიექტებში არსებული ქონების დაცვა. სამსახურის შექმნის შესახებ გავრცელებულმა ინფორმაციამ  საზოგადოების დაინტერესება გამოიწვია, ხომ არ ახდენს ამით თბილისის მერია თბილისის მერისა და სხვა თანამდებობის პირების პირადი დაცვის გაძლიერებას.  გავრცელებული მოსაზრებების საპირისპიროდ, გვინდა ავღნიშნოთ, რომ  თბილისის მერის პირადი დაცვა  მოქმედი კანონის შესაბამისად, სათანადო სახელმწიფო უწყებების მიერ ხორციელდება და მისი გაძლიერების საჭიროება  არ არსებობს. ამასთან, არც სამსახურის შექმნისას არსებობდა აღნიშნული მიზანი. მიუხედავად ზემოაღნიშნულისა, გავრცელებული მოსაზრებების უარსაყოფად და ყოველგვარი გაუგებრობის აღმოფხვრის მიზნით, თბილისის მერის დავალებით უსაფრთხოების სამსახურის დებულებაში  შევიდა ცვლილება, რომლითაც გაუქმდა ყველა ის ჩანაწერი, რომელიც მსგავსი ინტერპრეტაციის საშუალებას იძლეოდა", - ნათქვამია განცხადებაში.