პოლიტიკური კოალიცია „ქართული ოცნების“ დღევანდელ აქციას სტუდენტებიც უერთდებიან.
სტუდენტური მოძრაობა „ლაბორატორია 1918“-ის წევრის გელა ბანძელაძის განცხადებით, სტუდენტები, რომლებიც კოალიციის აქციაში მონაწილეობის მიღებას აპირებენ, თბილისის ივანე ჯავახიშვილის სახელობის სახელმწიფო უნივერსიტეტის პირველი კორპუსის ეზოში დღეს, 14:00 საათზე შეიკრიბებიან.
შეგახსენებთ, რომ „ქართული ოცნების“ აქცია თავისუფლების მოედანზე დღეს, 16:00 საათზე დაიწყება, მანამდე კი დაახლოებით, 14:00 საათისთვის, მოსახლეობა თბილისში ოთხ ადგილას შეიკრიბება: სამგორის მეტროსთან, დინამოს სტადიონთან, ვაკის პარკთან და სპორტის სასახლესთან და თავისუფლების მოედანზე მსვლელობით მივლენ.
