სასამართლომ სასჯელაღსრულების დეპარტამენტის დაკავებულ თანამშრომლებს პატიმრობა შეუფარდა

სასამართლომ სასჯელაღსრულების დეპარტამენტის დაკავებულ თანამშრომლებს პატიმრობა შეუფარდა

თბილისის საქალაქო სასამართლოში სასჯელაღსრულების დეპარტამენტის დაკავებული თანამშრომლების პროცესი უკვე დასრულდა, სასამართლომ დაკავებულებს აღმკვეთი ღონისძიების სახით თერთმეტივე ბრალდებულს პატიმრობა შეუფარდა.

პროცესზე 6 დაკავებულს - ლევან ფურცხვანიძეს, ოლეგ ფაცაციას, გელა ცომაიას, რომან ფხალაძეს, ბორის ფარულავას და კახა ჩიკვიტაძეს ბრალი წამების მუხლით წაეყენა, ხუთ დაკავებულს კი - გაგა მკურნალიძეს, დავით ხუჭუას, ვიქტორ ყაჭეიშვილს, გიორგი კურცხალიას და მანუჩარ ლომთაძეს პატიმართა მიმართ არაადამიანური მოპყრობის ბრალდება წარედგინა.

შემდეგი სასამართლო სხდომა 8 ნოემბერს გაიმართება.

გამოძიების შედეგად ასევე დაადგინა, რომ გლდანის მე-8 საპყრობილეში მოქმედებდა რამდენიმე ორგანიზებული ჯგუფი, რომლებიც პატიმართა უფლებებს არღვევდნენ და ადგილი ჰქონდა წამების ფაქტებს.

აღნიშნულ ფაქტთან დაკავშირებით სხვა დამნაშავე პირების გამოსავლენად გამოძიება გრძელდება.