საქართველო-დაღესტნის საზღვარზე, ლოპოტას ხეობაში გამნაღმველთა სამსახურის ერთი ეკიპაჟი ხეობაში წუხელ, დაახლოებით 02:00 საათისთვის შევიდა და ამ დრომდე იქ რჩება.
ლოპოტას ხეობაში ანტიტერორისტულ ოპერაციასთან დაკავშირებით ოფიციალური უწყებების მხრიდან ამ დროისთვის ახალი განცხადება არ გაკეთებულა.
საქართველოს შსს და თავდაცვის სამინისტრო საქართველო-რუსეთის საზღვართან ანტიტერორისტულ ოპერაციას ახორციელებენ. ოფიციალური ინფორმაციით, საქართველო-რუსეთის საზღვართან, დაღესტნის მონაკვეთთან, საქართველოს ტერიტორიაზე, აღმოჩენილია შეიარაღებული ჯგუფი.
ანტიტერორისტული ოპერაციის შედეგად შსს-სა და თავდაცვის სამინისტროს 3 სამხედრო მოსამსახურე დაიღუპა. ბოლო ოფიციალური ინფორმაციით, ლიკვიდირებულია 11 დივერსანტი, 6 კი ალყაშია მოქცეული.
