ჯანიაშვილი პარლამენტის შენობის გაყიდვის შესახებ ინფორმაციას არ ფლობს

ჯანიაშვილი პარლამენტის შენობის გაყიდვის შესახებ ინფორმაციას არ ფლობს

პარლამენტის აპარატის უფროსი დავით ჯანიაშვილი პარლამენტის შენობის გაყიდვის შესახებ ინფორმაციას არ ფლობს.

 ჯანიაშვილის თქმით, მან დღეს ჟურნალისტებისგან შეიტყო, რომ თითქოს შენობა ვინმე ქართველმა ბიზნესმენმა იყიდა.

 "ცოტა ხნის წინ ერთ-ერთმა ჟურნალისტმა შემოიხედა და პირველად მისგან გავიგე, რომ პარლამენტის შენობა გაიყიდა და ვინმე ქართველმა ბიზნესმენმა იყიდაო', - განაცხადა პარლამენტის აპარატის უფროსმა.

 პრესაში გავრცელებული ინფორმაციის თანახმად, პარლამენტის შენობა რუსეთსა და საფრანგეთში მოღვაწე ქართველმა ბიზნესმენმა ბუბა ქებურიამ 50 მილიონ ლარად იყიდა. ამავე ინფორმაციით, უკვე გადახდილია თანხის ნახევარი - 25 მილიონი ლარი.

ქებურია რესტორან ამბასადორისა” და საგამოფენო სახლის მფლობელია.