თავდაცვის მინისტრი მინდია ჯანელიძე აგვისტოს ომის დროს დაღუპული 42 სამხედროს ცხედრების ფრაგმენტების დაკრძალვაზე არ დასწრების მიზეზებს განმარტავს. განცხადება ჯანელიძემ საზოგადოებრივი მაუწყებლის ეთერში , გადაცემა "პირველ სტუდიაში" საუბრისას გააკეთა. ჯანელიძის თქმით, ცერემონიალზე არ ყოფნის მიზეზი იყო ის რომ იმ დღეს საქართველოში სამი ქვეყნის თავდაცვის მინისტრების მინისტერიალი მიმდინარეობდა. გარდა ამისა თავდაცვის მინისტრმა განმარტა, რომ 2 აპრილს მუხათგვერდის ძმათა სასაფლაოზე არ დაკრძალულან ადამიანები, რომლებიც 2008 წელს ქვეყნის ტერიტორიულ მთლიანობას შეეწირნენ.

"პირველ რიგში მინდა გითხრათ, რომ ეს არ ყოფილა ტერიტორიული მთლიანობის მიზნით , ოპერაციებში დაღუპული სამხედროების დაკრძალვის ცერემონიალი. ეს გმირები ჩვენ დიდი ხნით ადრე ივაბარეთ მიწას. ეს იყო ცერემონიალი, რომელიც უკავშირდებოდა დნმ-ის ზუსტი დადგენისთვის აღებული ნიმუშების მიწისთვის მიბარებას. თუმცა ღონისძიება ჩატარდა როგორც ეკადრებოდა ჩვენი ჯარისკაცების ხსოვნას. მე მინდა გითხრათ, რომ გუშინ მთელი დღის განმავლობაში მიმდინარეობდა სამმხრივი მინისტერიალი, , რომელიც გახლდათ თურქეთ საქართველო აზერბაიჯანის მინისტრების შეხვედრა. გაიმართა შეხვედრები , როგორც სამმხრივ ასევე ორმხრივ ფორმატში.შესაბამისად ჩვენ მტელი დღის განმავლობაში ვიყავით აფსოლუტურად დაკავებულები,"-განაცხადა მინდია ჯანელიძემ.