იშვიათია ხოლმე შესაძლებლობა და ის მომენტი, როდესაც ვეთანხმები ამ ადამიანს - დიახ, ეს ნამდვილად იყო ძალიან დიდი პოლიტიკური შეცდომა, როდესაც მათ თავის დროზე უარი განაცხადეს პარლამენტში ჩართვაზე, - განაცხადა პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა.
დეპუტატი გამოეხმაურა გიორგი გახარიას განცხადებას საპარლამენტო მანდატებთან დაკავშირებით.
„ამით მათ შეურაცხყვეს უპირველეს ყოვლისა საკუთარი ამომრჩეველი, ზოგადად ქვეყანა და მთლიანად საზოგადოება“, - აღნიშნა მახაშვილმა.
პარტია „გახარია - საქართველოსთვის" ლიდერმა, გიორგი გახარიამ, „ტვ პირველის" ეთერში ჩართვისას განაცხადა:
„გულწრფელად გეუბნებით, რომ ვთვლი, საპარლამენტო მანდატების არგამოყენება იყო შეცდომა“.
