უკრაინის პრეზიდენტის ოფისის ხელმძღვანელი, ანდრიი ერმაკი პარასკევს ნიუ-იორკში აშშ-ის პრეზიდენტის, დონალდ ტრამპის სპეციალურ წარმომადგენელს, სტივ უიტკოფს შეხვდა.
„სამწუხაროდ, რუსეთი არ დგამს ომის დასასრულებლად საჭირო ნაბიჯებს და აშკარად აჭიანურებს საომარ მოქმედებებს. უკრაინა მხარს უჭერს პრეზიდენტ ტრამპის, ისევე როგორც ყველა პარტნიორის მტკიცე განწყობას, რომ რაც შეიძლება მალე იყოს მიღწეული მდგრადი მშვიდობა. უკრაინა მიესალმება ამერიკის შეერთებული შტატების მიერ შემოთავაზებულ ყველა სამშვიდობო ინიციატივას. მაგრამ, სამწუხაროდ, თითოეული მათგანი რუსეთის მიერ ფერხდება“, - აღნიშნა უკრაინის პრეზიდენტის ოფისის ხელმძღვანელმა.
„ჩვენ მზად ვართ უშუალო მოლაპარაკებებისთვის ლიდერების დონეზე და მზად ვართ განვიხილოთ საკითხების ფართო სპექტრი. ჩვენ გვჯერა, რომ საჭიროა გლობალური ზეწოლა, რათა რუსეთი მართლაც მზად იყოს მშვიდობისკენ სვლისთვის, და, კერძოდ, ამ მიზნით ლიდერების შეხვედრების ჩასატარებლად“, - დასძინა მან.
