დღეს კოპენჰაგენში იმართება ევროკავშირის საგარეო საქმეთა მინისტრების საბჭოს სხდომა, სადაც ჩვენ ომის მომხრეთა ცუნამის პირისპირ აღმოვჩნდით, - განაცხადა უნგრეთის საგარეო საქმეთა მინისტრმა, პიტერ სიიარტომ.
„ვფიქრობ, დღესაც შეეცდებიან, შეარყიონ ჩვენი წინააღმდეგობა და მშვიდობის მხარდამჭერი პოზიცია. ისინი, რა თქმა უნდა, შეეცდებიან, უკრაინისთვის ახალი ფინანსური დახმარებისა და იარაღის მიწოდება გაიტანონ, უკრაინა ევროკავშირში შეიყვანონ და ევროკავშირის სამხედრო ოპერაციაზე მიიღონ გადაწყვეტილება, მაგრამ ჩვენ არ დავუჭერთ მხარს არცერთ ისეთ გადაწყვეტილებას, რომელიც უნგრეთის ინტერესებს ეწინააღმდეგება და ხელს უშლის სამშვიდობო პროცესს“, - აღნიშნა უნგრეთის საგარეო უწყების ხელმძღვანელმა.
