მედიის თავისუფლება არ ნიშნავს ზედმეტ უფლებას და არც ალიბს უცხოური ჩარევისთვის, - განაცხადა ევროპარლამენტის წევრმა, ტიერი მარიანიმ.
„შევხედოთ, რას აკეთებს ევროპარლამენტი ამ დებატებში. ქალბატონ ამაღლობელს ასამართლებენ, რადგან 12 იანვარს მან პოლიციელს სილა გააწნა. მე ვფიქრობ, რომ აქ რასაც ვხედავთ, არის ევროკავშირის შეპყრობილობა საქართველოს მიმართ და ბრიუსელის ზიზღი ამ ხალხის უფლებებისა და სუვერენიტეტისადმი. მკაფიოდ ვთქვათ: რაც ევროკავშირს უნდა, ეს არის მოიშოროს საქართველოს მთავრობა, გადააყირავოს ისინი და ამისთვის ნებისმიერ საბაბს გამოიყენებს. ერთ წელიწადზე ნაკლებ დროში ვნახეთ განმეორებითი ჩარევა - ჩარევის მსგავსი, რომელსაც ქართველები 12 წელზე მეტი ხნის განმავლობაში განიცდიდნენ. გვყავს არასამთავრობო ორგანიზაციები, რომლებიც გარე ინტერესების მიერ ფინანსდებიან და მათი იქ ყოფნის ერთადერთი მიზანი საქართველოს დესტაბილიზაციაა. არასამთავრობო ორგანიზაციებს არასდროს დაუმალავთ მთავრობის დესტაბილიზაციის სურვილი. 1994 წლიდან ვხედავთ ამ უზარმაზარ დაფინანსებას, რომელიც ჩადებულია მებრძოლ სტრუქტურებში ჟურნალისტიკისა და ადამიანის უფლებების ნიღბის ქვეშ. ამან შეასუსტა ამ ქვეყნის ინსტიტუტები. ქართველებს არ სჭირდებათ არავის ჩარევა, არც მოსკოვის და არც ბრიუსელის“, - დასძინა მან.
