ახლო აღმოსავლეთში ამერიკულ ბაზებზე თავდასხმისთვის ირანმა რაკეტები და სხვა სამხედრო ტექნიკა მოამზადა. ინფორმაციას The New York Times-ი საკუთარ წყაროებზე დაყრდნობით ავრცელებს.
გამოცემის ცნობით, თუ ამერიკის შეერთებული შტატები ირანის წინააღმდეგ ომში ჩაერთვება, თეირანს საპასუხო რეაგირება ექნება.
The New York Times-ის ცნობით, ირანელების სამიზნე, შესაძლოა, ერაყსა და არაბულ ქვეყნებში განთავსებული ამერიკული ბაზები გახდეს. გარდა ამისა, ირანმა, შესაძლოა, ჰორმუზის სრუტის დანაღმვაც დაიწყოს.
