მოვისმინეთ პრემიერის სიტყვა და ალბათ ერთ-ერთი ყველაზე გამორჩეული, ნიშანდობლივი, ხაზგასასმელი და საჭირო მესიჯები იყო მთელი მსოფლიოსთვის, - განაცხადა ფრაქცია „ქართული ოცნების" თავმჯდომარის პირველმა მოადგილემ ირაკლი კირცხალიამ. დეპუტატმა კონსერვატიული პოლიტიკური მოქმედების კონფერენციაზე საქართველოს პრემიერ-მინისტრის გზავნილები შეაფასა.
„ძალიან მნიშვნელოვანი კონფერენციაა. მოვისმინეთ პრემიერის სიტყვა და ალბათ ერთ-ერთი ყველაზე გამორჩეული, ნიშანდობლივი, ხაზგასასმელი და საჭირო მესიჯები იყო მთელი მსოფლიოსთვის, ჩვენი ქვეყნისთვის და თითოეული იმ ადამიანისთვის ვინც აფასებს მსოფლიოში იმ ღირებულებებს, რომლის სადარაჯოზეც დგას ჩვენი გუნდი. პარტნიორული ურთიერთობებისთვის ძალიან მნიშვნელოვანი პლატფორმაა, რომ არა მხოლოდ ჩვენმა მეგობრებმა, არამედ მთელმა მსოფლიომ გაიგოს თუ სად დგას ჩვენი ქვეყანა“, - აღნიშნა კირცხალიამ.
