ჩვენ ვნახეთ, რომ საქართველოში იყო არაერთი მცდელობა რევოლუციის მოწყობის.  საქართველოს ხელისუფლების გონივრული და თანმიმდევრული პოლიტიკის შედეგად ჩვენ ავიცილეთ საშინელ პროცესებში ქვეყნის ჩათრევის მცდელობა. საქართველოს ხელისუფლებამ იმოქმედა გონივრულად, იმოქმედა თანმიმდევრულად და აღკვეთა საქართველოში რევოლუციის მცდელობა და სამოქალაქო არეულობის ძალიან საშიში განვითარება,- ამის შესახებ საპარლამენტო უმრავლესობის წევრმა, კულტურის კომიტეტის თავმჯდომარემ, გიორგი გაბუნიამ, ჟურნალისტებთან საუბრისას განაცხადა.

გაბუნიას განცხადებით,  „დიფ სთეითი“ ახალი მოთამაშეების შემოყვანით არის დაინტერესებული და  ამის ნათელი მაგალითია დიდი ბრიტანეთის  საგარეო საქმეთა სამინისტროს ინიციატივა, რომელიც გულისხმობს კონკრეტული ბრიტანული ფონდის მიერ გარკვეული ფინანსური რესურსების დახარჯვას შიდა პოლიტიკურ პროცესში, რომლის მიზანიც სწორედ იგივეა,  რაც  ჰქონდა USAID-ს.

„ზაზა შათირიშვილის წერილი, სწორედ, დაკავშირებულია „დიფ სთეითის“ იმ გადაჯგუფებასთან,  ერთგვარ ახალი მიდგომების შემოტანასთან, რომელსაც ჩვენ ვხედავთ. კერძოდ,  USAID, რომელიც  წლების განმავლობაში საქართველოში ხარჯავდა მილიონობით დოლარს, იმისთვის, რომ საქართველოში მომხდარიყო არეულობა და შემოტანილიყო დესტრუქცია შიდა პოლიტიკაში გადაინაცვლა უკანა პლანზე, სწორედ აშშ-ს ახალმა ადმინისტრაციამ თავად დაადანაშაულა USAID, რომ წლების განმავლობაში ის ხარჯავდა ფულს სხვადასხვა ქვეყნის შიდა პოლიტიკურ პროცესებში არაკეთილსინდისიერი მიზნებისთვის  და შესაბამისად, USAID გაშიფრულია. მოხდა მისი სრული ილუსტრირება, შესაბამისად საჭირო არის ახალი მოთამაშე და სწორედ ჩვენ ვხედავთ, რომ  „დიფ სთეითი“ ახალი მოთამაშეების შემოყვანით არის დაინტერესებული და სწორედ ამის ნათელი მაგალითია დიდი ბრიტანეთის  საგარეო საქმეთა სამინისტროს ეს ინიციატივა, რომელიც გულისხმობს კონკრეტული ბრიტანული ფონდის მიერ გარკვეული ფინანსური რესურსების დახარჯვას შიდა პოლიტიკურ პროცესში, რომლის მიზანიც სწორედ იგივეა, აბსოლუტურად, რომელიც ჰქონდა USAID-ს და ჩვენთვის არანაირი მნიშვნელობა არ  აქვს საქართველოში რომელი ფონდი განახორციელებს ამ მიზნებს, არ იქნება USAID,  იქნება ახალი ფონდი, შესაბამისად ჩვენ კარად ვხედავთ ამას და საზოგადოებაც კარგად ხედავს, ამიტომ ჩვენ გვმართებს სიფხიზლე, გვმართებს გონიერება  და კარგად დავაკვირდებით ამ ორგანიზაციების მოქმედებას. სამწუხარო არის ერთი, რომ საქართველოში მათ ჰყავთ საკმაო დასაყრდენი „რბილი ძალა“  აგენტურა ოხრად გვყავს.  სამწუხაროდ, ისინი ყველაფერს გააკეთებენ იმისთვის, რომ  ის სცენარი, რომელიც დაგეგმილია განვითარდეს და საქართველო, რომელიც დღეს მშვიდობიანი განვითარების პირობებში ცხოვრობს  ეს დინამიკა უნდა შენარჩუნდეს და ჩვენ არავის არ უნდა მივცეთ უფლება, რომ საქართველო დასუსტდეს  და იმ გლობალური სცენარის ჩათრევის სცენარში ვიხილოთ, რომელიც  „დიფ სთეითს“ აქვს,“- განაცხადა გიორგი გაბუნიამ.