დუმილიც უკვე მათი მხარდაჭერის გარკვეული ნიშანია, რაც აჩვენებს ვის სურს ჩვენი ქვეყნის წინსვლა და წარმატება და ვინ ცდილობს, რომ საქართველო უბედურებასა და რევოლუციაში გახვიოს, - განაცხადა საპროცედურო საკითხთა და წესების საპარლამენტო კომიტეტის თავმჯდომარემ, დავით მათიკაშვილმა სოციალურ ქსელში არასამთავრობო ორგანიზაცია „საფარის“ ხელმძღვანელის ბაია პატარაიას მიერ გამოქვეყნებულ პოსტზე საუბრისას.
„მათი [დონორების] დუმილიც უკვე არის მათი მხარდაჭერის გარკვეული ნიშანი, რაც ბუნებრივია, რომ კიდევ ერთხელ ლაკმუსის ქაღალდივით საზოგადოებას აჩვენებს ამ სასწორზე სად რა ძალა დგას და ვის სურს ჩვენი ქვეყნის წინსვლა და წარმატება და ვინ ცდილობს, რომ უბედურებაში, რევოლუციაში, ცეცხლში, მაიდანიზაციაში და უკრაინიზაციაში გაახვიოს საქართველო”, - განაცხადა მათიკაშვილმა.
„ზოგი თვლის, რომ შენობები უნდა ავიღოთ, ეს ნიშნავს დიდ დაპირისპირებას და ციხეების გავსებას დემონსტრანტებით, მე არც კი ვიცი ვის შეუძლია ამის გაკეთება“, ეს ბაია პატარაიას სიტყვებია. პარლამენტის თავმჯდომარე მოუწოდებს დონორებს, გაემიჯნონ ექსტრემიზმს. შალვა პაპუაშვილი წერს, რომ დუმილი ყოველ შემდგომ ძალადობას პირდაპირ ახალისებს. მესამე სექტორი კითხვებს გაურბის.
