პოლიტიკურ ქოლგას თუ შეეფარა, ეს იმას არ ნიშნავს, რომ პასუხი არ მოეთხოვება კანონისთვის, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ მამუკა ხაზარაძის მისამართით.
„ხაზარაძე პოლიტიკური ფიგურა გახდა მას შემდეგ, რაც თაღლითობა ჩაიდინა და ამას სასამართლოს გადაწყვეტილება არ სჭირდება. ნებისმიერ ადამიანს ჰკითხეთ, რას ნიშნავს საკუთარი ბანკიდან ფულის სესხება სხვაზე და მერე ამ ფულის დაბრუნება საკუთარ ჯიბეებში და გეტყვის, რომ ეს თაღლითობაა. პოლიტიკურ ქოლგას თუ შეეფარა, ეს იმას არ ნიშნავს, რომ პასუხი არ მოეთხოვება კანონისთვის. ვინც არ უნდა იყოს, ნებისმიერი ადამიანი, რა პოლიტიკური ბექგრაუნდიც არ უნდა ჰქონდეს, პასუხს აგებს იმისთვის, რასაც ჰქვია კანონის მოთხოვნის დარღვევა“, - აღნიშნა ვოლსკიმ.
მამუკა ხაზარაძეს აღკვეთის ღონისძიების სახით 50 ათას ლარიანი გირაო შეეფარდა.
