საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი Byline Times-ის სტატიას აფასებს, რომელშიც ბიძინა ივანიშვილის რუსულ კავშირებზეა საუბარი. იგი მიიჩნევს, რომ საზოგადოებას ამ ყველაფრის არ სჯერა.
„აი, სად იხარჯება რეალურად გრანტები, სად იხარჯებოდა ამ პირებისგან და სად აგრძელებენ ამ გრანტების ხარჯვას - ტყუილის პროპაგანდაში, სისულელის და სიცრუის ტირაჟირებაში. ბუნებრივია, რომ საზოგადოებას არ სჯერა ამ ყველაფრის, წერონ და იკითხონ, რამდენიც უნდათ, კიდევ ერთხელ ადასტურებენ საკუთარ აგენტურულ მოცემულობას ეს პირები, ვინც უკვეთენ ასეთ სტატიებს, კაპანაძეები იქნებიან, ხიდაშლები თუ ასე შემდეგ და მათი მხარდამჭერი „დიფ სთეითის“ წიაღში მოაზრებული კონკრეტული ჟურნალისტები, რომლებიც უცხოეთიდან ასრულებენ შეკვეთილ, თანხობრივად უზრუნველყოფილ სტატიებს“, - განაცხადა დავით მათიკაშვილმა“, - განაცხადა დავით მათიკაშვილმა.
„მოსკოვის კავშირები ქართულ რეჟიმთან კენსინგტონისა და ჩელსის გავლით გადიოდა"- ამ სახელწოდების სტატია ბრიტანულმა გამოცემა Byline Times-მა გამოაქვეყნა. სტატიამ ოპოზიციური მედიის ყურადღება მაშინვე მიიპყრო და „ნაცმოძრაობის“ ნარატივის მატარებელი ახალი ამბებიც მალევე გამოჩნდა ინტერნეტსივრცეში. ირკვევა, რომ სტატია, სადაც ავტორი ბიძინა ივანიშვილის რუსულ კავშირებზე მიანიშნებს, შეკვეთილი და დაფინანსებულია სოროსის ფონდის საქართველოს ოფისის მიერ და სერგი კაპანაძისა და ნატალია საბანაძის მოსაზრებებზეა აგებული.
