საქართველომ ყველას აჩვენა, რომ იგი არის ინვესტორებისთვის ძალიან ხელსაყრელი ადგილი, - განუცხადა „იმედის კვირას“ ბიზნესის ადმინისტრირების დოქტორმა, საქართველოს ეკონომიკური ფორუმისა და Business Insider Georgia-ს დამფუძნებელმა და ხელმძღვანელმა, გიორგი აბაშიშვილმა.
მან სხვადასხვა ავტორიტეტული საერთაშორისო ორგანიზაციისა და კვლევითი ცენტრის მიერ საქართველოსთან დაკავშირებით გამოქვეყნებული რეიტინგები და ინდექსები შეაფასა.
„რაც არ უნდა დაბალი გადასახადები იყოს ქვეყანაში და მიმზიდველი იყოს ბიზნეს გარემო, ყველა ინვესტორს აინტერესებს, რამდენად დაცულია მისი ინვესტიციები. ხანგრძლივი მშვიდობის უზრუნველყოფა არის ის ნაწილი, რომელიც ერწყმის სწორ ეკონომიკურ პოლიტიკას და ამ ორი ნაწილის კომბინაცია - სწორი ეკონომიკური პოლიტიკა და ხანგრძლივი მშვიდობისა და სტაბილურობის შენარჩუნება, ჯამში, უზრუნველყოფს მაღალ შეფასებებს და ინვესტორთა ნდობას იმსახურებს“, - განაცხადა აბაშიშვილმა.
