ალბათ ყველაზე მნიშვნელოვანი საკითხი, რომელზეც ჩვენი ამომრჩევლის დაკვეთა იყო, აგვისტოს ომის გამოძიება იყო, - განაცხადა საპარლამენტო უმრავლესობის წევრმა პაატა სალიამ.
„ალბათ ყველაზე მნიშვნელოვანი საკითხი, რომელზეც ჩვენი ამომრჩევლის დაკვეთა იყო, აგვისტოს ომის გამოძიება იყო. [საგამოძიებო კომისიაზე განსახილლველი] საკითხები შეეხება უშუალოდ კონფლიქტის ესკალაციამდე, ანუ ომის დაწყებამდე არსებულ ვითარებას, თუ როგორ მიმდინარეობდა და როგორ მივედით იქამდე. რატომ არ და ვერ იქნა აცილებული უკვე ფართომასშტაბიანი ომის დაწყება საქართველოს ტერიტორიაზე“, - აღნიშნა სალიამ.
დროებითი საგამოძიებო კომისია დღეს 2004-2008 წლებში საქართველოს ოკუპირებულ ტერიტორიებზე შექმნილ ვითარებასა და 2008 წლის აგვისტოს ომთან დაკავშირებულ საკითხებს განიხილავს.
