რუსეთის საგარეო საქმეთა მინისტრმა, სერგეი ლავროვმა განაცხადა, რომ მოსკოვი და ვაშინგტონი განიხილავენ „ჩრდილოეთის ნაკადების“ თემას.
რუსეთის საგარეო უწყების ხელმძღვანელის თქმით, საინტერესო იქნება, თუ აშშ გამოიყენებს თავის გავლენას ევროპაზე და აიძულებს მას, არ თქვას უარი რუსულ გაზზე.
„ახლა, რა თქმა უნდა, არის უთანხმოებები. მაგრამ ევროპის ნორმალური ენერგომომარაგების აღდგენის ინტერესი, განა ეს მხოლოდ აშშ-ისა და რუსეთის ინტერესია? მიდის საუბარი „ჩრდილოეთის ნაკადებზე“. ალბათ, საინტერესო იქნება, თუ ამერიკელები გამოიყენებენ თავიანთ გავლენას ევროპაზე და აიძულებენ მას, არ თქვას უარი რუსულ გაზზე. მაგრამ ეს უკვე რაღაც სიურეალიზმია“, - აღნიშნა სერგეი ლავროვმა.
