ზელენსკის მოლაპარაკების მაგიდასთან დაბრუნებისკენ მოუწოდებს პოლონეთის პრეზიდენტი. ანდჟეი დუდას თქმით, სიტუაციიდან გამომდინარე, უკრაინის პრეზიდენტი შეერთებულ შტატებთან დიალოგს უნდა დაუბრუნდეს და მშვიდად აწარმოოს მოლაპარაკებები იმ გადაწყვეტილებების მისაღებად, რაც უკრაინის უსაფრთხოებისთვის არის საჭირო.
„ვოლოდიმირ ზელენსკი უნდა დაბრუნდეს მოლაპარაკებების მაგიდასთან, მშვიდად დაჯდეს მაგიდასთან და შეთანხმდეს გამოსავალზე, რომელიც უკრაინას უფრო უსაფრთხოს გახდის. და ჩვენ, უკრაინის მოკავშირეები, რომლებიც უკრაინას ომის დასაწყისიდანვე ვუჭერდით მხარს, დავუჭერთ მას მხარს უსაფრთხო და ხანგრძლივი მშვიდობის მიღწევაში, რადგან ჩვენც დიდ იმედებს ვამყარებთ ამ მშვიდობაზე. ეს არის პოლონეთის ინტერესი, რომ უკრაინაში მშვიდობა დამყარდეს, ომი დასრულდეს და დასრულდეს იმგვარად, რომ რუსეთმა ვეღარ შეძლოს ვინმეზე თავდასხმა. ეს არის დღეს ჩვენთვის ყველაზე მნიშვნელოვანი. ჩემი პირადი აზრით, ეს საჭიროებს მოლაპარაკებების მაგიდასთან დაბრუნებას“, – განაცხადა დუდამ.
