ხარაგაულის მუნიციპალიტეტის მერიის ინფორმაციით, ხარაგაულში გზების გაწმენდითი სამუშაოები უწყვეტ რეჟიმში მიმდინარეობს.
ყველაზე რთულ მონაკვეთებზე მობილიზებულია ტექნიკა და გაწმენდითი სამუშაოები ინტენსიურად ხორციელდება.
დაბაში თოვლი მცირეა, თუმცა ცალკეულ სოფლებში ნალექი 30-100 სმ-ს აღწევს. ამ ეტაპზე, გადაადგილება მაღალი გამავლობის მანქანით ყველა სოფელში შესაძლებელია.
ამ დროისთვის ინტენსიურად მუშაობს 7 ერთეული ტექნიკა, გაწმენდილია შიდა სახელმწიფოებრივი გზები, არცერთი სოფელი ჩაკეტილი არ არის.
მუნიციპალიტეტის ხელმძღვანელობა კოორდინაციაშია სოფლების წარმომადგენლებთან – საჭიროების შემთხვევაში, რთული მონაკვეთების გასაწმენდად, ტექნიკა ოპერატიულად გადანაწილდება.
