ვინ არიან სექტანტური რიტუალის ავტორები და შემსრულებლები? ისინი ვინც თვლის, რომ "ვარ ქართველი და მაშასადამე ევროპელი." სწორედ ევროპიდან და ამერიკიდან ჩამოიტანეს საქართველოში ეს ყველაფერი, ასწავლეს ადგილობრივებს, მათ კი სხვებს და ა.შ. - ამის შესახებ ანალიტიკოსი ზაალ ანჯაფარიძე, სოციალურ ქსელში წერს.
მისი განცხადებით, ამგვარი სცენები რომ მიუღებელია ქართული საზოგადოების უმრავლესობისთვის, ეს შესანიშნავად იციან კუბოს დაწვის ინიციატორებმა, თუმცა მაინც აკეთებენ, რადგან სჯერათ, რომ სხვებსაც გადაიყვანენ მათ ჭკუაზე. სწორედ ამ მიზნით, ანჯაფარიძის თქმით, საქართველოში გაუმჭვირვალედ იხარჯება მილიონები.
"ჩვენი სოცქსელები და მედია მხოლოდ ერთი დღით დაიპყრეს ამ ამაზრზენმა სცენებმა. მე ცოტა სხვა კუთხით შევხედავდი ამას და დავსვამდი კითხვას: ვინ არიან სექტანტური რიტუალის ავტორები და შემსრულებლები? ისინი ვინც თვლის, რომ "ვარ ქართველი და მაშასადამე ევროპელი." სწორედ ევროპიდან და ამერიკიდან ჩამოიტანეს საქართველოში ეს ყველაფერი, ასწავლეს ადგილობრივებს, მათ კი სხვებს და ა.შ.
მათ შესანიშნავად იციან, რომ ჩვენი ტრადიციული საზოგადოებისთვის მსგავსი რამეები მიუღებელია, მაგრამ მაინც აკეთებენ. რატომ? იმიტომ რომ სჯერათ, რომ რაღაც ეტაპზე სხვებსაც მათ ჭკუაზე გადაიყვანენ. იმისათვის რომ ეს დაჩქარდეს, აქ იხარჯება მილიონები (გაუმჭვირვალედ!)" - წერს ზაალ ანჯაფარიძე.
