საზოგადოებას ძალიან კარგად ახსოვს, რომ გამჭვირვალობის ქართული კანონის წინააღმდეგ ოპოზიციის მთავარი არგუმენტი იყო სიტყვა - „იმიტომ“, - განაცხადა პარლამენტის ფრაქცია „ქართული ოცნების“ აპარატის უფროსმა ავთანდილ კუნჭულიამ.
„თუ ამ არგუმენტით აპირებენ ისინი სტრასბურგის სასამართლოში თავიანთი ინტერესების დაცვას, ვფიქრობ ეს ისეთივე „წარმატებით“ დასრულდება, როგორც ბატონი ხაზარაძის საქმე დასრულდა პარიზის არბიტრაჟში ანაკლიის პორტზე. შესაბამისად, დასასრული მათთვის კარგი არ იქნება“,- აღნიშნა კუნჭულიამ.
„ქრონიკა“ დაინტერესდა, სად არის სარჩელი, რომლის გაგზავნასაც ორგანიზაცია სტრასბურგში სხვა „ენჯეოებთან“ ერთად არჩევნებამდე აანონსებდა და რომლის მიზანი გამჭვირვალობის კანონის გასაჩივრება იყო.
„პრაიმ-ტაიმი“ კი წყაროზე დაყრდნობით წერს, რომ ადამიანის უფლებათა ევროპულ სასამართლოში დაანონსებული საჩივარი არ გადაგზავნილა და აღნიშნულ საკითხზე იქ არც ერთი დოკუმენტი არ შესულა.
