როდესაც ასეთი არაადეკვატური, ანტისახელმწიფოებრივი მოთხოვნები გაქვს რეზოლუციის სახით, ამას, ჩვენთვის არანაირი ფასი არ აქვს, - განაცხადა საპარლამენტო ფრაქცია „ქართული ოცნების“ თავმჯდომარის მოადგილე ირაკლი კირცხალიამ ევროპარლამენტის რეზოლუციის პროექტზე საუბრისას.

მისი თქმით, საქმე გვაქვს ორმაგ სტანდარტთან, რასაც საზოგადოება ნათლად შეაფასებს.

„რადგან ევროპარლამენტზე ვსაუბრობთ, არ მინდა შორს წავიდე და ცენტრალური ევროპის ქვეყნებს შევეხო, ავიღოთ მხოლოდ ბალტიისპირეთის ქვეყნები, სადაც ბოლო ორი წლის განმავლობაში რუსეთთან საშუალოდ 20%-ით არის გაზრდილი მათი ვაჭრობა. აქაც საქმე გვაქვს ორმაგ და სამმაგ სტანდარტთან, რასაც საზოგადოება ძალიან ნათლად შეაფასებს. როდესაც ასეთი არაადეკვატური, ანტისახელმწიფოებრივი მოთხოვნები გაქვს რეზოლუციის სახით, აი ამას, ჩვენთვის არანაირი ფასი არ აქვს“, - განაცხადა კირცხალიამ.

ვიზალიბერალიზაცია, პერსონალური და რუსეთის წინააღმდეგ სანქციები, „ოჯახური ღირებულებებისა და არასრულწლოვანის დაცვის“ შესახებ კანონი, მიხეილ სააკაშვილის გათავისუფლება - ეს ის საკითხებია, რომლებიც ევროპარლამენტის რეზოლუციის პროექტში აისახა. ევროპელი კანონმდებლები დოკუმენტზე მსჯელობას დღეს აპირებენ.